అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
అలరించిన అన్నమాచార్య సంకీర్తనామృతం
స్థానిక బృందావన్ గార్డెన్స్ శ్రీవేంకటేశ్వరస్వామి వారి దేవాలయ ప్రాంగణం అన్నమయ్య కళావేదికపై సోమవారం సూరపనేని శ్రీకాంత్ ఎండోమెంట్ కార్యక్రమం జరిగింది. తొలుత ఆలయ కమిటి ఉపాధ్యక్షులు లంకా విజయబాబు, భజన బృందం జ్యోతిప్రజ్వలన చేసి కార్యక్రమాన్ని ప్రారంభించారు. శ్రీవత్స భజనమండలి తెనాలి, కొండపి వసుంధర బృందంచే అన్నమాచార్య సంకీర్తనల గానం శ్రావ్యంగా సాగింది. వీరికి కీబోర్డుపై రామకృష్ణ, తబలపై వెంకటరమణ చక్కటి వాయిద్య సహకారాన్ని అందించారు. ఆలయ కమిటి సభ్యులు సూరపనేని శ్రీరామచంద్రమూర్తి, జయలక్ష్మి ల నిర్వహణలో భజన బృందం వారిని ఘనంగా సత్కరించారు.
.JPG)
.JPG)
.JPG)
కామెంట్‌లు
కామెంట్‌ను పోస్ట్ చేయండి