అలరించిన అన్నమాచార్య సంకీర్తనలహరి స్థానిక బృందావన్గార్డెన్స్ శ్రీవేంకటేశ్వరస్వామి దేవాలయం అన్నమయ్య కళావేదికపై బుధ వారం అన్నమాచార్య సంకీర్తన లహారి నిర్వహించారు. సీనియర్ సిటిజన్స్ వెల్ఫేర్ అసోసియేషన్ మహిళా విభాగం ఆధ్వర్యంలో జరగ్గా, ఆలయ పాలకమండలి వారు జ్యోతిప్రజ్వలనతో ప్రారంభించారు. భారత పూర్వ రాష్ట్రపతి డాక్టర్ ఏపీజే అబ్దుల్ కలాం జయంతి సందర్భంగా కలాం జీవిత విశేషాలు, విజయాలను సభకు అధ్యక్షత వహించిన ప్రముఖ సాహితీవేత్త డాక్టర్ వెలువోలు నాగరాజ్యలక్ష్మి వివరించారు. అనంతరం డాక్టర్ జె.కృష్ణకుమారి పర్యవేక్షణలో మోహనగానం వైకుంఠమే సంస్థ సభ్యులు అన్నమాచార్య కీర్తనలు అలపించారు. రుక్మిణి వరప్రసాద్, సునీత, రమణి, ఇందు తమ గాత్రధారణలో అదివో అల్లదివో, కొండలలో నెలకొన్న వంటి ప్రసిద్ధ కీర్తనలను ఆలపించగా, ప్రేక్షకులను మెప్పించాయి. కీబోర్డుపై సాయి, తబలాపై రమణ వాయిద్యాన్ని అం దించారు. కార్య క్రమంలో మహిళా విభాగం కోశాధికారిణి డాక్టర్ మైలవరపు లలితకుమారి, సభ్యులు పాల్గొన్నారు.
ఆకట్టుకున్న తాళంభజన
స్థానిక బృందావన్ గార్డెన్స్ శ్రీ వెంకటేశ్వరస్వామి ఆలయ ప్రాంగణం అన్నమయ్య కళావేదికపై శనివారం సాయంత్రం శ్రీ ఆంజనేయ భక్త సమాజం, ఉన్నవ వారి భజన కార్యక్రమం నిర్వహించారు. తొలుత ఆలయ కమిటి ఉపాధ్యక్షులు లంకా విజయబాబు జ్యోతిప్రజ్వలన చేసి కార్యక్రమాన్ని ప్రారంభించారు. ప్రభుత్వ మహిళా కళాశాల సంస్కృతాధ్యపకులు డాక్టర్ పరుచూరి విజయలక్ష్మి కబీరు హిందీలో రచించిన పద్యాలను ప్రముఖ సాహితీవేత్త డాక్టర్ భూసురపల్లి వేంకటేశ్వరరావు తెలుగులోకి అనువాదం చేసిన పుస్తకాన్ని ద్వితీయ ముద్రణ చేశారని తెలుపుతూ కబీర్ సర్వమానవ సమానత్వంపై రాసిన పద్యాలు సమాజంలో ఒక మంచి అనునయాన్ని కల్పించాయన్నారు. భూసురపల్లి విజయలక్ష్మికి మొదటి ప్రతిని అందించారు. కార్యక్రమంలో గుళ్ళపల్లి సుబ్బారావు, పెద్ది సాంబశివరావు కుటుంబ సభ్యలు పాల్గొన్నారు. అనంతరం ఆంజనేయ భక్త సమాజం ఉన్నవ కుర్రా ఆంజనేయులు బృందంచే పలు భక్తిగీతాలను ఆలపించి ఆహుతులను ఆకట్టుకున్నారు.
కామెంట్‌లు
కామెంట్‌ను పోస్ట్ చేయండి