అలరించిన లక్ష్మీనరసింహదాసు కీర్తనలు స్థానిక బృందావన్గార్డెన్స్ శ్రీవేంకటేశ్వరస్వామి దేవాలయం అన్నమయ్య కళావేదికపై శనివారం గాయత్రీ మహిళా సంగీత సన్మండలి ఆధ్వర్యంలో తూము లక్ష్మీనరసింహదాసు కీర్తనల సోదాహరణ పూర్వక ప్రత్యేక కార్యక్రమం నిర్వహించారు. గాన విద్యాప్రవీణ విద్వాన్ ఆకొండి శ్రీని వాస రాజారావు, తూము లక్ష్మీనరసింహదాసు కీర్తనలకు సోదాహరణ పూర్వక వివరణతో శ్రావ్యంగా ఆలపించారు. వయోలిన్పై పెరవలి నందకుమార్, మృదంగంపై బీరక సురేష్ బాబుల వాయిద్యాన్ని అందించారు. సంస్థ ఉపాధ్యక్షురాలు మాధవపెద్ది మీనాక్షి, ముఖ్య అతిథి పూర్వ ప్రధానాచార్యులు, హిం దూ కళాశాల గుంటూరు, సాహితీ రత్నాకర డాక్టర్ దీవి నరసింహ దీక్షిత్, ఆత్మీయ అతిథి డాక్టర్ సి. జ్యోతి కాంప్రసాద్ జ్యోతి ప్రజ్వలనతో కార్యక్రమాన్ని ప్రారంభించారు. ముఖ్యఅతిథి మాట్లాడుతూ తూము లక్ష్మీనరసింహ దాసు వాగ్గేయకారులలోని అనేక విశేషార్థాలను వివరిస్తూ ఇటువంటి కార్యక్రామాలు నిర్వహించడం అభినందనీయమన్నారు. కార్యక్రమంలో సంస్థ ఉపాధ్యక్షులు డాక్టర్ రాజరాజేశ్వరి, లలిత దేవి, మీనాక్షి, కార్యదర్శి ఏవీ మంగాదేవి, విజయలక్ష్మి పాల్గొనగా, కళాకారులను సత్కరించారు.
ఆకట్టుకున్న వాగ్గేయకారుల ఆధ్యాత్మిక ప్రసంగం
స్థానిక బృందావన్గార్డెన్స్ శ్రీవేంకటేశ్వరస్వామి దేవాలయం ప్రాంగణంలో అన్నమయ్య కళావేదికపై నిర్వహిస్తోన్న సంగీత నృత్యోత్సవాలు గురువారం రెండో రోజుకి చేరాయి. శ్రీదాస సాహిత్య ప్రాజెక్ట్, టీటీడీ, శ్రీ కంచి కామకోటి శ్రీవేంకటేశ్వరస్వామి దేవాలయం (గుంటూరు) ఇందిరాగాంధీ నేషనల్ సెంటర్ ఫర్ ది ఆర్ట్స్ న్యూఢిల్లీ(తిరుపతి రీజియన్), ద్వారం లక్ష్మీ అకాడమీ ఫర్ మ్యూజికల్ సర్వీసెస్(తిరుప తి) సంయుక్త ఆధ్వర్యంలో జరగ్గా, సంస్థలు, ఆలయ పాలకమండలి సభ్యులు జ్యోతిప్రజ్వలనతో ప్రారంభించారు. వాగ్గేయకారుల భక్తి వైభవంపై వాచస్పతి ముప్పవరపు వెంకట సింహాచలశాస్త్రి ధార్మికోపన్యాసం చేయగా, భక్తులను ఆకట్టుకుంది. అనంతరం భువనేశ్వరి బృందం (బెజవాడ) శాస్త్రీయ సంగీత కచేరి అలరించింది. వయోలిన్పై చావలి శ్రీనివాస్, మృదంగంపై బి.సురేష్బాబు చక్కటి వాయిద్యాన్ని అందించారు. అనంతరం కళాకారులను సంస్థ కార్యదర్శి వెంకటరమణ సత్కరించారు.
.jpeg)
.jpeg)
కామెంట్‌లు
కామెంట్‌ను పోస్ట్ చేయండి