తెలుగు సాహిత్యంలో అద్వితీయమైన ప్రక్రియ హరికథ స్థానిక బృందావన్ గార్డెన్స్ శ్రీవేంకటేశ్వ రస్వామి దేవా లయం అన్నమయ్య కళావేదికపై శ్రీఆది భట్ల నారాయణ దాస కథాకరణ కళాపరిషత్ ఆధ్వర్యంలో శ్రీనారాయణ దాస జయంతోత్సవాలు సోమవారం ప్రారంభమయ్యాయి. తొలుత ఆలయ కమిటీ సభ్యులు, సంస్థ నిర్వాహ కులు జ్యోతి ప్రజ్వలన చేశారు. డాక్టర్ ఉప ద్రష్ట వెంకటరమణమూర్తి ప్రసంగిస్తూ ఆది భట్ల నారాయణదాసు తన సాహితీ వైభవాన్ని హరికథకు పునాది వేశారని అన్నారు. ఆయన సంగీతం, సాహిత్యం, నృత్యాలను మేళవించారని పేర్కొన్నారు. తెలుగు సాహిత్యంలో ఆయన సృష్టించిన హరికథ ప్రక్రియ అద్వితీయమైనదన్నారు. ఆయన ప్రతిభకు, వైభవానికి నిదర్శనమని అన్నారు. కార్యక్ర మాన్ని కర్రా సూర్యనారాయణదాస్ పర్యవేక్షించారు.
భూసురపల్లి ఆదిశేషయ్య ఆదర్శనీయుడు
డోలు విద్వాంసుడు భూసురపల్లి ఆదిశేషయ్య సంగీత కళాకారులకు ఆదర్శనీయులని పలువురు వక్తలు పేర్కొన్నారు. శని వారం రాత్రి ఆదిశేషయ్య పేరున ఆయన కుమారుడు, ఇతర కుటుంబ సభ్యులు పదో వార్షిక సంస్మరణ, పురస్కార ప్రదానోత్సవ సభ నిర్వహిం చారు. బృందావన్ గార్డెన్స్ వెంకటేశ్వరస్వామి దేవస్థానం అన్నమయ్య కళా వేదికపై సభ జరిగింది. తొలుత ఆదిశేషయ్య చిత్రపటానికి పూలమాలలు వేసి నివాళులర్పించారు. ఆదిశేషయ్య జీవిత విశేషాలను సంగీత విద్వాం సుడు మోదుమూడి సుధాకర్ వివరించారు. అనంతరం భూసురపల్లి ఆదిశే షయ్య కళా పురస్కారాన్ని నాట్యాచార్య కాజ వెంకటసుబ్రహ్మణ్యానికి ఇచ్చి సత్కరించారు. ఆతరువాత శ్రీసాయి మంజీర కూచిపూడి ఆర్ట్స్ అకాడమీ విద్యార్థులు త్యాగరాజస్వామి రచించిన నౌకా చరిత్ర యక్షగానాన్ని ప్రదర్శిం చారు. సభకు మోదుగుల రవికృష్ణ అధ్యక్షత వహించారు. సభలో రైతు సాధి కార సంస్థ సీఈవో రామారావు, రామరాజు ఫౌండేషన్ అధ్యక్షుడు రామరాజు శ్రీనివాసరావు, దేవస్థానం అధ్యక్షుడు చిటిపోతు మస్తానయ్య, గాయత్రి మహిళా సంగీత సన్మండలి ప్రధాన కార్యదర్శి ఎంవై శేషురాణి పాల్గొన్నారు.
కామెంట్‌లు
కామెంట్‌ను పోస్ట్ చేయండి