అలరించిన లక్ష్మీనరసింహదాసు కీర్తనలు స్థానిక బృందావన్గార్డెన్స్ శ్రీవేంకటేశ్వరస్వామి దేవాలయం అన్నమయ్య కళావేదికపై శనివారం గాయత్రీ మహిళా సంగీత సన్మండలి ఆధ్వర్యంలో తూము లక్ష్మీనరసింహదాసు కీర్తనల సోదాహరణ పూర్వక ప్రత్యేక కార్యక్రమం నిర్వహించారు. గాన విద్యాప్రవీణ విద్వాన్ ఆకొండి శ్రీని వాస రాజారావు, తూము లక్ష్మీనరసింహదాసు కీర్తనలకు సోదాహరణ పూర్వక వివరణతో శ్రావ్యంగా ఆలపించారు. వయోలిన్పై పెరవలి నందకుమార్, మృదంగంపై బీరక సురేష్ బాబుల వాయిద్యాన్ని అందించారు. సంస్థ ఉపాధ్యక్షురాలు మాధవపెద్ది మీనాక్షి, ముఖ్య అతిథి పూర్వ ప్రధానాచార్యులు, హిం దూ కళాశాల గుంటూరు, సాహితీ రత్నాకర డాక్టర్ దీవి నరసింహ దీక్షిత్, ఆత్మీయ అతిథి డాక్టర్ సి. జ్యోతి కాంప్రసాద్ జ్యోతి ప్రజ్వలనతో కార్యక్రమాన్ని ప్రారంభించారు. ముఖ్యఅతిథి మాట్లాడుతూ తూము లక్ష్మీనరసింహ దాసు వాగ్గేయకారులలోని అనేక విశేషార్థాలను వివరిస్తూ ఇటువంటి కార్యక్రామాలు నిర్వహించడం అభినందనీయమన్నారు. కార్యక్రమంలో సంస్థ ఉపాధ్యక్షులు డాక్టర్ రాజరాజేశ్వరి, లలిత దేవి, మీనాక్షి, కార్యదర్శి ఏవీ మంగాదేవి, విజయలక్ష్మి పాల్గొనగా, కళాకారులను సత్కరించారు.
సంగీతరంగ ప్రముఖులకు సత్కారాలు
గుంటూరు బృందావన్ గార్డెన్స్ శ్రీవేంకటేశ్వరస్వామి దేవాలయ ప్రాంగ ణంలోని అన్నమయ్య కళావేదికపై పలువురు సంగీత రంగ ప్రముఖులను సత్కరించారు. తితిదే దాస సాహిత్య ప్రాజెక్ట్, శ్రీకంచి కామకోటి పీఠ వెంకటేశ్వర స్వామి దేవాలయం, ఇందిరాగాంధీ నేషనల్ సెంటర్ ఫర్ ది ఆర్ట్స్, ద్వారం లక్ష్మి అకాడమీ ఫర్ మ్యూజికల్ సర్వీసెస్ సంయుక్త నిర్వహణలో ఆదివారం రాత్రి ఈ కార్యక్రమం నిర్వహించారు. ద్వారం భావనారాయణరావు మెమోరియల్ ట్రస్ట్ పక్షాన సంగీత విద్వాంసులు పద్మశ్రీ అన్నవరపు రామస్వామి, భమిడి కమలా దేవి, డాక్టర్ గుడిపాటి లలితను సంగీత విద్యాశిరోమణి పుర స్కారాలతో సత్కరించారు. ధనకుధరం సీతారామానుజాచార్య స్వామి, ఆలయ పాలకమండలి అధ్యక్షుడు సీహెచ్. మస్తా నయ్య, ఇందిరాగాంధీ నేషనల్ సెంటర్ ఫర్ ది ఆర్ట్స్ రీజినల్ డైరెక్టర్ డాక్టర్ కేటీవీ రాఘవన్ తదితరులు పాల్గొన్నారు. అతి థులను ద్వారం లక్ష్మి, వెంకటరమణ దంపతులు సత్కరిం చారు అనంతరం హంసధ్వని నృత్యాలయం నాట్యాచార్య సీహెచ్. శ్రీనివాస్ బృందం నారాయణీయం కూచిపూడి నృత్య రూపకం ప్రదర్శితమైంది. దాస సాహిత్య ప్రాజెక్ట్ భజనమం డలి వారి కోలాటాలు, భజనలు జరిగాయి.
.jpeg)
కామెంట్‌లు
కామెంట్‌ను పోస్ట్ చేయండి