అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
ఆకట్టుకున్న వాగ్గేయకార సంకీర్తనం
స్థానిక బృందావన్ గార్డెన్స్ శ్రీవేంకటేశ్వరస్వామివారి దేవాలయ ప్రాంగణం అన్నమయ్య కళావేదికపై ఆదివారం శ్రీ అవధూతేంద్ర భక్తబృందం, గుంటూరు వారి వాగ్గేయకార సంకీర్తన కార్యక్రమం జరిగింది. తొలుత ఆలయ కమిటి అధ్యక్షులు సీహెచ్. మస్తానయ్య, సహాయ కార్యదర్శి ఊటుకూరి నాగేశ్వరరావు జ్యోతిప్రజ్వలన చేసి కార్యక్రమాన్ని ప్రారంభించారు. శ్రీహరి శరణ్ మహరాజ్ బృందంచే జయజయ గణనాయక, జయగురు జయగురు సశ్చిదానంద గురు, హరేరామ హరేరామ రామరామ హరేహరే అంటూ పలు వాగ్గేయకార కీర్తనలను ఆలపించి కీర్తనల యొక్క సారాంశాన్ని చక్కగా ప్రవచన రూపంలో వివరించి ప్రేక్షకులను ఆకట్టుకున్నారు. వీరికి డోలక్‌పై షణ్ముక వాయిద్య సహకారం అందించారు. కార్యక్రమం అనంతరం సంకీర్తనబృందాన్ని సత్కరించి, స్వామివారి ప్రసాదాలను అందజేశారు.
కామెంట్‌లు
కామెంట్‌ను పోస్ట్ చేయండి