అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
దైవాసుర సంపద్విభాగ యోగంపై ప్రవచనాలు
బృందావన్ గార్డెన్స్ శ్రీవేంకటేశ్వరస్వామి ప్రాంగణం కళావేదికపై ఆలయ అన్నమయ్య జరుగుల బంగారుబాబు, శివకుమారిల సౌజన్యంతో శ్రీమద్భగవద్గీత 16వ అధ్యాయం దైవాసుర సంపద్విభాగ యోగంపై ఆధ్యాత్మిక ప్రవచనాలు శుక్రవారంతో ముగిశాయి. తొలుత ఆలయ కమిటి సహాయ కార్యదర్శి ఊటుకూరి నాగేశ్వరరావు జ్యోతిప్రజ్వలన చేసి కార్యక్రమాన్ని ప్రారంభించారు. చిన్మయామిషన్ బ్రహ్మచారి సువీరానందస్వామి ప్రవచిస్తూ మానవ జీవితంలో మంచి, చెడుల మధ్య పోరాటాన్ని, దేవుడిని చేరుకోవడానికి దైవిక లక్షణాలను అలవర్చుకోవలసిన అవసరాన్ని ఈ అధ్యాయం నొక్కి చెబుతుందన్నారు. మానవ జీవితంలో మంచి, చెడుల మధ్య పోరాటాన్ని, వాటి పరిణామాలను వివరిస్తుందన్నారు. దైవిక లక్షణాలను అలవరచుకోవడం ద్వారా, ఒక వ్యక్తి ఆధ్యాత్మిక ఉన్నతిని సాధించగలదని, అసుర లక్షణాలను విడిచిపెట్టడం ద్వారా బంధ విముక్తిని పొందగలడని ఈ అధ్యాయం బోధిస్తుందన్ని శ్రీకృష్ణ పరమాత్మ అర్జునుడికి ఉపదేశించారన్నారు.
కామెంట్‌లు
కామెంట్‌ను పోస్ట్ చేయండి