విశిష్టమైనది మానవజన్మ సమస్త జీవరాశులన్నింటిలో మానవ జన్మ ఎంతో విశిష్టమైనదని ప్రముఖ ఆధ్యాత్మిక ప్రవచకులు నిష్టల నరసింహమూర్తి అన్నారు. స్థానిక బృందావన్ గార్డెన్స్ శ్రీ వేంకటేశ్వరస్వామి వారి దేవాలయ ప్రాంగణం అన్నమయ్య కళావేదికపై మంగళవారం గురువైభవంపై ఆధ్యాత్మిక ప్రవచనం జరిగింది. తొలుత ఆలయ కమిటి సహాయ కార్యదర్శి వూటుకూరి నాగేశ్వరరావు జ్యోతిప్రజ్వలన చేసి కార్యక్రమాన్ని ప్రారంభించారు. నిష్ఠల నరసింహమూర్తి గురు పౌర్ణమి ప్రాధాన్యతను వివరిస్తూ శంకరులును జగద్గురువులు అని ఎందుకు అంటారో వివరించారు. గురువు త్రిమూర్త్యాత్మకుడు అని అనడానికి కారణము, అష్టావక్రుడు, జనకునికి బ్రహ్మోపదేశం చేసిన తీరు వివరించారు. ఏది ఏమైనా గురు ప్రసాద ధన్యత నాస్తి సుఖం మహితలే గురువుగారి అనుగ్రహము కన్నా ప్రపంచంలో సుఖమనేది ఎక్కడ లభించదని తెలియజేశారు.
బహుముఖ ప్రజ్ఞాశాలి : పింగళి వెంకయ్య
స్వాతంత్య్ర సమరయోధుడిగా, ఉపన్యాసకుడిగా, జాతీయ జెండా రూపకల్ప శిల్పిగా పేరుగాంచిన గొప్ప వ్యక్తి పింగళి వెంకయ్య అని పలువురు కొనియాడారు. స్థానిక బృందావన్ గార్డెన్స్ శ్రీ వేంకటేశ్వరస్వామి వారి దేవాలయ ప్రాంగణం అన్నమయ్య కళావేదికపై శుక్రవారం నటనాలయ అధ్యక్షులు నీలం మందారావు ఆధ్వర్యంలో పింగళి వెంకయ్య సంస్మరణ సభ జరిగింది. కార్యక్రమంలో కె.వి. రామారావు ఆహ్వానం పలుకగా, రంగస్థల ఆచార్యులు డాక్టర్ జి.యన్. ప్రసాద్ రెడ్డి అధ్యక్షత వహించారు. ప్రముఖ దర్శకులు పి. శివప్రసాద్, సీఐడీ డీఎస్పీ గోలి లక్ష్మయ్య, రచయిత సీఎన్.మూర్తి, నటులు కె. అనంతహృదయాజ్, సీహెచ్ నాయుడు, ఆలయ పాలకమండలి అధ్యక్షుడు సీహెచ్ మస్తానయ్య, సినీ దర్శకుడు ఎం.గౌత మ్, విద్యావేత్త పి. శశికుమార్ పాల్గొని పింగళి వెంకయ్య సేవలను కొనియాడారు. సభానంతరం డాక్టర్ పీర్. కుమార్ భద్రి రచించిన నెల్లూరు సుధాకర్ దర్శకత్వంలో వంశవృక్షం నాటిక సందేశాత్మకంగా సాగింది.
కామెంట్‌లు
కామెంట్‌ను పోస్ట్ చేయండి