అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
మార్గదర్శి మల్లాది చంద్రశేఖరశాస్త్రి
ధర్మ ప్రచారకుడిగా, పౌరాణిక ప్రవ చన రంగంలో ఏడున్నర దశాబ్దాలు సేవ లందించిన సుప్రసిద్ధ పౌరాణికులు మల్లాది చంద్రశేఖరశాస్త్రి నేటి తరానికి ఆదర్శనీయులని పలువురు వక్తలు కీర్తిం చారు. బృందావన్ గార్డెన్స్ వెంకటేశ్వర స్వామి దేవాలయంలోని అన్నమయ్య కళావేదికపై మల్లాది చంద్ర శేఖరశాస్త్ర శతజయంతి సభమంగళవారం రాత్రి జరిగింది. తొలుత ఆలయ పాలకమండలి అధ్యక్షుడు సీహెచ్.మస్తానయ్య, భారతీ ధార్మిక విజ్ఞాన పరిషత్ అధ్యక్షుడు బొల్లేపల్లి సత్యనారాయణలు జ్యోతి వెలిగించి కార్యక్ర మాన్ని ప్రారంభించి మల్లాది చంద్రశేఖరశాస్త్రి చిత్రపటానికి పూలమాలలు వేసి నివాళులర్పించారు. సభకు మల్లాది వేంకట రామనాథశర్మ అధ్యక్షత వహించారు. సంస్కృత పండితుడు డాక్టర్ దీవి నరసింహ దీక్షితులు, హరికథ భాగవతార్ ముప్పవరపు వెంకట సింహాచలశాస్త్రి, విజయవాడ కేబీఎన్ కళాశాల వైస్ ప్రిన్సిపల్ డాక్టర్ కప్పగంతు రామకృష్ణ, ఆధ్యాత్మిక ప్రవచనకర్త గుదిమెళ్ల శ్రీకూర్మనాథస్వామి తదితరులు మల్లాది చంద్రశేఖరశాస్త్రి జీవిత చరిత్ర, ఆదర్శ గుణగణాలు, పౌరాణిక రంగంలో ఆయన ప్రత్యేకతలు వివరించారు. ఈ సందర్భంగా అతిథులను, వక్తలను నిర్వాహకులు సత్కరించారు.
కామెంట్‌లు
కామెంట్‌ను పోస్ట్ చేయండి