కళా దర్బార్ ఉగాది పురస్కారాల ప్రదానం బృందావన్ గార్డెన్స్ శ్రీవేంకటేశ్వరస్వామి దేవాలయంలోని అన్నమయ్య కళావేదికపై కళాదర్బార్-ఆంధ్రప్రదేశ్ విశ్వావసు నామ సంవత్సర ఉగాది పురస్కారాల ప్రదానం సోమవారం రాత్రి జరిగింది. సంస్థ వ్యవస్థాపక అధ్యక్షుడు పొత్తూరి రంగారావు ఆధ్వర్యంలో కార్యక్రమాలను నిర్వహించారు. తొలుత ఆలయ పాలకమండలి కార్యదర్శి బొర్రా ఉమామహేశ్వరరావు, సంయుక్త కార్యదర్శి ఊటుకూరు నాగేశ్వరరావు జ్యోతి వెలిగించి కార్యక్రమాన్ని ప్రారంభించారు. ఈ సందర్భంగా అనురాధ అయ్యంగారి(టీవీ రంగం), డాక్టర్ జి. నాగార్జున (వైద్యం), కనుమూర్ రాజ్యలక్ష్మి (విద్య), శనివారపు శిరీష (సంగీతం), చెన్నుపాటి శివనాగేశ్వర రావు(వ్యాపారం), సాయి లక్కరాజు(కళారంగం)లకు ఉగాది పురస్కారాలు అందించి సత్కరించారు. అనంతరం సినీ సంగీత విభావరి నిర్వహించారు. హేమమాలిని, సౌజన్య, బాబూరావు, సుధీర్ బాబు, అబ్దుల్ ఖాదర్ సినీ గీతాలను ఆలపించారు.
స్వచ్ఛంద సంస్థల సేవలు అభినందనీయం
స్వచ్చంద సంస్థల సేవాభావం అభినందనీయమని ఎమ్మెల్సీగా ఎన్నికైన అలపాటి రాజేంద్రప్రసాద్ కొనియాడారు. బృందావన్ గార్డెన్స్ శ్రీవేంకటేశ్వర స్వామి దేవాలయంలోని అన్నమయ్య కళావేదికపై సీనియర్ సిటి జన్స్ సర్వీస్ ఆర్గనైజేషన్ పదో ఆవిర్భావ దినోత్సవం బుధవారం రాత్రి నిర్వహించారు. ముఖ్యఅతిథిగా పాల్గొన్న అలపాటి మాట్లాడుతూ సంస్థ సేవలను మరింతగా విస్తృతపర్చాలన్నారు. ప్రముఖులు కొత్త సుబ్రహ్మణ్యం, పెద్ది శివరామప్రసాద్, డాక్టర్ యడ్లపల్లి సుబ్రహ్మణ్యం, దాసరి హనుమంతరావు, నూతలపాటి తిరుపతయ్య తదితరులు సంస్థ సేవలను ప్రశంసించారు. తొలుత సంస్థ చేస్తున్న సేవా కార్యక్రమాలను అధ్యక్షుడు డాక్టర్ మన్నె సుబ్బారావు పవర్ పాయింట్ ప్రజంటేషన్ ద్వారా వివరించారు. సభ్యులు మన్నవ వాత్సల్య, గడిపూడి కీర్తి సమకూర్చిన ఉపకార వేతనాలను ఆలపాటి చేతులమీదుగా విద్యార్థినులకు అందించారు.
.jpeg)
కామెంట్‌లు
కామెంట్‌ను పోస్ట్ చేయండి