కళా దర్బార్ ఉగాది పురస్కారాల ప్రదానం బృందావన్ గార్డెన్స్ శ్రీవేంకటేశ్వరస్వామి దేవాలయంలోని అన్నమయ్య కళావేదికపై కళాదర్బార్-ఆంధ్రప్రదేశ్ విశ్వావసు నామ సంవత్సర ఉగాది పురస్కారాల ప్రదానం సోమవారం రాత్రి జరిగింది. సంస్థ వ్యవస్థాపక అధ్యక్షుడు పొత్తూరి రంగారావు ఆధ్వర్యంలో కార్యక్రమాలను నిర్వహించారు. తొలుత ఆలయ పాలకమండలి కార్యదర్శి బొర్రా ఉమామహేశ్వరరావు, సంయుక్త కార్యదర్శి ఊటుకూరు నాగేశ్వరరావు జ్యోతి వెలిగించి కార్యక్రమాన్ని ప్రారంభించారు. ఈ సందర్భంగా అనురాధ అయ్యంగారి(టీవీ రంగం), డాక్టర్ జి. నాగార్జున (వైద్యం), కనుమూర్ రాజ్యలక్ష్మి (విద్య), శనివారపు శిరీష (సంగీతం), చెన్నుపాటి శివనాగేశ్వర రావు(వ్యాపారం), సాయి లక్కరాజు(కళారంగం)లకు ఉగాది పురస్కారాలు అందించి సత్కరించారు. అనంతరం సినీ సంగీత విభావరి నిర్వహించారు. హేమమాలిని, సౌజన్య, బాబూరావు, సుధీర్ బాబు, అబ్దుల్ ఖాదర్ సినీ గీతాలను ఆలపించారు.
అలరించిన సంగీత విభావరి
స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై ఆదివారం సాయంత్రం మహాతి స్వరసుధ ఆధ్వర్యంలో రజతోత్సవల సందర్భంగా ఆదివారం జరిగిన సినీసంగీత విభావరి ప్రేక్షకులను ఆకట్టుకుంది. తొలుత టీ.జె.పీ.ఎస్. కాలేజీ కార్యదర్శి, కరెస్పాండంట్ కే.వీ.బ్రహ్మం, ఆలయ కమిటి సభ్యులు కన్నెగంటి బుచ్చయ్య చౌదరి, బండ్లమూడి విజయలక్ష్మి, నల్లూరి బాబ్జి, ఆలయ పాలకమండలి ఉపాధ్యక్షులు లంకా విజయబాబు తదితరులు పాల్గొని జ్యోతిప్రజ్వలన చేసి, కళాకారులను అభినందించి సత్కరించారు. గాయని గాయకులు పత్రినిర్మల, సీహెచ్. సుధాశ్రీనివాస్, సిహెచ్. రాజ్యలక్ష్మి, ఎం.డి. జరీనా, కె.ప్రద్యుమ్నసత్మోద్భవి, జి. హరికృష్ణ, యస్. కమల్ కిషోర్, బి. వీరయ్య, డాక్టర్. ఎ.వీరరాఘవ, బి. కృష్ణప్రసాద్ లు తమ గాన మాధుర్యంతో అలనాటి మేటి చిత్రాలలోని పలు భక్తి, సినీ గీతాలను ఆలపించారు. కీబోర్డ్ పై కే. రవిబాబు, తబలా పై ఎస్. వెంకట్, పాడ్స్ పై టీ. ఈశ్వర్ చక్కటి వాయిద్య సహకారం అందించారు. కార్యక్రమాలను కే. మదన్మోహన్ రావు పర్యవేక్షించారు.
కామెంట్‌లు
కామెంట్‌ను పోస్ట్ చేయండి