భగవద్గీతపై ఆధ్యాత్మిక ప్రవచనం - సువీరానందస్వామి, చిన్మయమిషన్ గుంటూరు స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయం అన్నమయ్య కళావేదికపై జరుబుల బంగారుబాబు, శివకుమారి దంపతుల సౌజన్యంతో సోమవారం శ్రీమద్భగవద్గీత త్రయోదశ అధ్యాయంలోని క్షేత్రజ్ఞ విభాగయోగం ప్రవచనం జరిగింది. తొలుత ఆలయ కమిటి అధ్యక్షులు సీహెచ్. మస్తానయ్య, ప్రధానకార్యదర్శి బొర్రా ఉమామహేశ్వరరావు, సహాయ కార్యదర్శి ఊటుకూరి నాగేశ్వరరావు, జరుబుల బంగారుబాబు జ్యోతిప్రజ్వలన చేసి కార్యక్రమాన్ని ప్రారంభించారు. చిన్మయమిషన్ బ్రహ్మచారి సువీరానందస్వామి ప్రవచిస్తూ క్షేత్ర, క్షేత్రజ్ఞుల తత్త్వములను గూర్చి ఋషులెల్లరు పలు విధాలుగా వివరించారని, వివిధ వేదమంత్రాలను వేర్వేరుగా తెల్పారన్నారు. బ్రహ్మసూత్ర పదములు కూడా నిశ్చయాత్మకంగా, సహేతుకంగా తేటతెల్లం చేశారని ద్వేషము, సుఖం, దుఖం, స్థూలశరీరం, చైతన్యం, అను వికారాలతో కూడిన క్షేత్రస్వరూపం సంక్షిప్తంగా పరమాత్మే అన్నారు.
బృందావన శ్రీనివాసుడి బ్రహ్మోత్సవాలు ప్రారంభం
బృందావన గార్డెన్స్ వెంకటేశ్వర స్వామి ఆలయ 26వ వార్షిక బ్రహ్మోత్స వాలు మంగళవారం ప్రారంభమయ్యాయి. తొలుత నాదస్వర స్వాగతాంజలి, మలిశెట్టి లక్ష్మీనారాయణ బృందం ఓం నమో వేంకటేశాయ గేయగానం జరిగాయి, అగ్నిహోత్రం శోభనాచల లక్ష్మీనరసింహాచార్యుల ప్రధాన అర్చకత్వంలో పరుచూరి మాధవస్వామి బృందం ప్రత్యేక పూజలు నిర్వహించారు. ఆధ్యాత్మిక ఉప న్యాస కార్యక్రమాలు, రంగస్థల ప్రముఖుడు ఉప్పాల రత్తయ్య ప్రార్ధనా గీతంతో ఉత్సవాలు ప్రారంభమయ్యాయి. సభకు సీహెచ్. మస్తానయ్య అధ్యక్షత వహిం చారు. గండిపాలెం ఆనందాశ్రమ పీఠాధిపతి ప్రసన్నానందగిరి స్వామి, గుంటూరు ఆర్ష విద్యాకేంద్ర పీఠాధిపతి బ్రహ్మనిష్ఠానంద సరస్వతి స్వామి అనుగ్రహ భాషణం చేశారు. మున్సిపల్ పరిపాలన శాఖ విశ్రాంత ప్రాంతీయ సంచాలకుడు దేవినేని కరుణ చంద్రబాబు, హైకోర్టు విశ్రాంత న్యాయమూర్తి కే.జి. శంకర్, విశ్రాంత ప్రొఫెసర్ ఆరేటి కృష్ణకుమారి, గుంటూరు ఈశ్వరీయ విశ్వవిద్యాలయం బ్రహ్మకుమారి ఉమా పాల్గొన్నారు. గుది మెళ్ల శ్రీకూర్మనాథస్వామి, ఏవీకే సుజాత, నోరి కోదండరామ్ ప్రసంగించారు.
.jpeg)
కామెంట్‌లు
కామెంట్‌ను పోస్ట్ చేయండి