అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
వైభవంగా శ్రీవారి కళ్యాణోత్సవం
బృందావన్ గార్డెన్స్ శ్రీవేంకటేశ్వర స్వామి ఆలయంలో ఆష్టబం ధన మహాసంప్రోక్షణ సమేత మహాకుంభాభిషేక మహోత్స వాలు ముగిశాయి. పద్మావతీ గోదాదేవీ సమేత వేంకటేశ్వర స్వామి కల్యాణం శుక్రవారం నిర్వ హించారు. తితిదే ఆగమశాస్త్ర పండితుడు మాల్యవంతం శ్రీనివాసదీక్షితులు, అగ్నిహోత్ర శోభనాచల లక్ష్మీనరసింహాచార్యులు ఆధ్వర్యంలో విశేష హోమాలు, శిఖర కలశాలకు సామూహిక మహాకుంభాభిషేకం, హోమ పూర్ణాహుతి నిర్వ హించారు. భారీ అన్నప్రసాద వితరణ చేశారు. ఈ సందర్భంగా జరిగిన సభకు ఆలయ కమిటీ అధ్యక్షుడు సీహెచ్, మస్తానయ్య అధ్యక్షత వహించారు. విశ్వగురు పీఠాధిపతి విశ్వంజీ మహరాజ్, ఉత్తరకాశి శ్రీసూర్యభాస్కరేంద్ర సర స్వతీస్వామి అనుగ్రహ భాషణ చేశారు. డాక్టర్ కొండబోలు బసవపున్నయ్య, మాదల రత్నగిరిబాబు, కొర్రపాటి రామారావు పాల్గొన్నారు. బొల్లేపల్లి సత్యనారాయణ, బొర్రా ఉమామహేశ్వరరావు, లంకా విజయబాబు, సూర్యదేవర వెంకటేశ్వరరావు, కన్నెగంటి బుచ్చయ్యచౌదరి, ఊటుకూరి నాగేశ్వరరావు తదితరులు కార్యక్రమాలను పర్యవేక్షించారు.
కామెంట్‌లు
కామెంట్‌ను పోస్ట్ చేయండి