హరిహరాత్మకమైనది కార్తీకం కార్తీకమాసం హరి , హరనామ స్మరణకు అత్యంత విశిష్టమైనదని ప్రముఖ సాహితీవేత్త సారస్వత కళానిధి డాక్టర్ వెలువోలు నాగరాజ్యలక్ష్మి అన్నారు. బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై బుధవారం ముకుందమాలపై ఆధ్యాత్మిక ప్రవచనం జరిగింది. తొలుత ఆలయ కమిటి సభ్యులు జ్యోతిప్రజ్వలన చేసి కార్యక్రమాన్ని ప్రారంభించారు. డాక్టర్ నాగరాజ్యలక్ష్మి ప్రవచనం చేస్తూ శివ , కేశవ నామాలు రెండు పవిత్రమైనవని , ఏ నామాన్ని జపించిన జీవుడు సద్గతిని పొందగలడని వివరిస్తూ సంస్కృతంతో స్తోత్ర రాజంగా పేరు పొందిన కులశేఖరాళ్వారులవారి ముకుందమాల స్తోత్రంలోని భక్తి తత్పరతను సోదాహరణంగా వివరించారు.
నిరంతర సామాజిక సేవలో రోటరీ క్లబ్
ప్రపంచవ్యాప్తంగా విస్తరించి ఉన్న రోటరీ క్లబ్బులు పోలియో నివారణ, విద్య, వైద్యం తదితర సామాజిక సేవా కార్యక్రమాలలో నిరంతరం పనిచేస్తుంటాయని రోటరీ క్లబ్స్ ఇంటర్నేషనల్ 3105 మాజీ గవర్నర్ అన్నే ప్రభాకర్ పేర్కొన్నారు. గురువారం రాత్రి స్థానిక బృందావన గార్డెన్స్ శ్రీవెంకటేశ్వర స్వామి వారి దేవస్థానం అన్నమయ్య కళా వేదిక మీద రోటరీ క్లబ్ ఆఫ్ గుంటూరు ఆధ్వర్యంలో రోటరీ వోకేషనల్ ఎక్స్లెన్స్ అవార్డ్స్ 2024-25 కార్యక్రమం జరిగింది. చలనచిత్ర నటుడు జీవ (కొచ్చర్ల దయారత్నం), డాక్టర్ నూతలపాటి శ్రీనివాసరావు, చార్టెడ్ అకౌంటెంట్ పీవీ మల్లికార్జునరావు, పారిశ్రామికవేత్త దేసు సూర్యప్రకాశరావు, యుట్యూబర్ ఏలూరి నందినీలను నిర్వాహకులు సత్కరించారు. క్లబ్ అధ్యక్షుడు గాలి సుబ్బారావు అధ్యక్షతన జరిగిన సత్కార కార్యక్రమంలో దేవస్థానం పాలకమండలి అధ్యక్షుడు చిటిపోతు మస్తానయ్య, రోటరీ జిల్లా మాజీ గవర్నర్ వడ్లమాని రవి, అసిస్టెంట్ గవర్నర్ డాక్టర్ మలినేని పెరుమాళ్లు, కార్యదర్శి డాక్టర్ పొందూరి శివప్రసాద్, కోశా ధికారి టీవీ సీతారామయ్య, ఒకేషనల్ అవార్డుల డైరెక్టర్ వెలనాటి కోటేశ్వరరావు, ముప్పాళ్ల సుబ్బారావు, సీతా రమేష్, కె. శ్రీధరాబాబు, ఎల్ఎసీ ప్రసాద్, పీవీ సత్యనారా యణ, యశ్వంత్ తదితరులు పాల్గొన్నారు.
.jpeg)
కామెంట్లు
కామెంట్ను పోస్ట్ చేయండి