రేపటి నుంచి వేంకటేశ్వరస్వామి ఆలయ బ్రహ్మోత్సవాలు బృందావన్గార్డెన్స్ శ్రీవెంకటేశ్వరస్వామి ఆలయ 26వ వార్షిక బ్రహ్మోత్సవాలు ఈనెల 11 నుంచి 14వ తేదీ వరకు నిర్వహించనున్నట్లు ఆలయ కమిటీ అధ్యక్షులు సీహెచ్ మస్తానయ్య ఆదివారం ఒక ప్రకటనలో తెలిపారు. 11వ తేదీన అంకురారోపణతో ప్రారం భమై, 12న శ్రీదేవి, భూదేవి సమేత వేంకటేశ్వరస్వామి వార్ల శ్రీవారి దివ్య శాంతి కల్యాణోత్సవం, 13న మేళతాళాలు, జానపద కళా రూపాలతో అపూర్వ రథోత్సవం, 14న చండీ హోమం, పూర్ణాహుతి, అన్న సమారాధన, శ్రీపద్మావతి అమ్మవారికి విశేష అభిషేకాలు, శ్రీపుష్పయాగం, పవళింపు సేవ వంటి కార్యక్రమాలు జరుగు తాయని పేర్కొన్నారు. ఆధ్యాత్మిక ఉపన్యాస కార్యక్రమాల్లో పలువురు ప్రజాప్రతినిధులు, స్వామిజీలు, పీఠాధిపతులు, అధికారులు హాజరవుతారని తెలిపారు.
సుందరకాండపై ప్రవచనం
వాల్మీకి రచించిన రామాయణంలోని సుందరకాండ ఎంతో శక్తివంత మైన మంత్ర నిధి లాంటిదని సుప్రసిద్ధ ప్రవచనకర్త సామవేదం షణ్ముఖ శర్మ అన్నారు. స్థానిక బృందావన గార్డెన్స్ శ్రీవేంకటేశ్వరస్వామి దేవాలయంలో ముప్పవరపు కేశవరావు శత జయంతి సందర్భంగా రామాయణ నవాహ జ్ఞానయజ్ఞం జరుగుతోంది. మంగళవారం నాటి కార్యక్రమంలో ఆయన సుందరకాండపై ప్రవచనం చేశారు. ఆమన మాట్లాడుతూ సుందరకాండ అనే పేరే రామాయణంలోని మిగిలిన కాండలకన్నా ప్రత్యేకమైనదని వివరించారు. దీనిలో ఉన్న 68 సర్గలు దేనికదే మంత్ర శాస్త్ర నిధుల్లాగా పారాయణకు అనువుగా ఉన్నాయని వివరించారు. కార్యక్రమంలో ముఖ్యఅతిథిగా హైకోర్టు విశ్రాంత న్యాయమూర్తి జస్టిస్ యు. దుర్గాప్రసాదరావు, నిర్వాహకుడు ముప్పవరపు సింహాచలశాస్త్రి, ఆలయ పాలకమండలి అధ్యక్ష, కార్యదర్శులు సీహెచ్. మస్తానయ్య, బొర్రా ఉనమామహేశ్వరరావు, ఊటుకూరి నాగేశ్వరరావు, సాహితీ సమాఖ్య ప్రధానకార్యదర్శి ఎస్వీఎస్ లక్ష్మీ నారాయణ తదితరులు పాల్గొన్నారు. సామవేదం షణ్ముఖ శర్మ విశ్రాంత న్యాయమూర్తి జస్టిస్ యు. దుర్గాప్రసాదరావును సత్కరించారు.
కామెంట్‌లు
కామెంట్‌ను పోస్ట్ చేయండి