అరణ్యకాండపై ఆధ్యాత్మిక ప్రవచనం స్థానిక బృందావన్ గార్డెన్స్ శ్రీ వేంకటేశ్వరస్వామి వారి దేవాలయం అన్నమయ్య కళావేదికపై ముప్పవరపు కేశవరావు శతజయంతి సందర్భంగా ఆదివారం శ్రీమద్రామాయణ నవాహా జ్ఞానయజ్ఞ ప్రవచన ప్రవాహం అరణ్యకాండపై ప్రవచనం జరిగింది. ప్రముఖ సంస్కృత పండితులు దోర్బల ప్రభాకరశర్మ, ఆలయ కమిటి అధ్యక్షులు సీహెచ్. మస్తానయ్య, ప్రధాన కార్యదర్శి బొర్రా ఉమామహేశ్వరరావు జ్యోతిప్రజ్వలన చేసి కార్యక్రమాన్ని ప్రారంభించారు. ప్రముఖ సాహితీవేత్త బుఱ్ఱా భాస్కరశర్మ గారు వాల్మీకి రచించిన శ్రీమద్రామాయణంలోని అరణ్యకాండపై ప్రవచనం చేస్తూ ఆగస్త్యేశ్వర ఆశ్రమ సందర్శనం, పంచవటిలో నివాసం, సుర్పనక గర్వభంగం, మాయాలేడి మోసం, సీతాపహరణం వంటి విషయాలను కళ్ళకు కట్టినట్టుగా వివరించారు. కార్యక్రమాన్ని నిర్వాహకులు ముప్పవరపు వేంకట సింహాచలశాస్త్రి పర్యవేక్షించారు.
ప్రముఖులకు ఎన్టీఆర్ ఆత్మీయ పురస్కారం
స్థానిక బృందావన్ గార్డెన్ శ్రీ వెంకటేశ్వర స్వామి ఆలయ ప్రాంగణం అన్నమయ్య కళావేదికపై కె.ఆర్.కె. ఈవెంట్ ఆధ్వర్యంలో ఎన్టీఆర్ కళాపరిషత్ 20వ నాటకోత్సవాల సందర్భంగా శనివారం ప్రముఖులకు ఎన్టీఆర్ ఆత్మీయ పురస్కార సభ జరిగింది. సభకు పరిషత్ కన్వీనర్ రామకృష్ణప్రసాద్ కాట్రగడ్డ అధ్యక్షత వహించారు.అతిథిలుగా విద్యాసంస్థల డైరెక్టర్ పీవీ శంకర్రావు, ఆలయ కమిటీ అధ్యక్షులు సిహెచ్ మస్తానయ్య, కార్యదర్శి బొర్రా ఉమామహేశ్వరరావు, సంస్థ సభ్యులు వేములపల్లి విఠల్, బొప్పన నరసింహారావు (బుజ్జి), జి. మల్లికార్జునరావు తదితరులు పాల్గొని ఎన్టీఆర్ సెంటనరీ సెలబ్రేషన్స్ కమిటీ వైస్ చైర్మన్ కాట్రగడ్డ ప్రసాదు, కన్వీనర్ అట్లూరి నారాయణరావు లను ఎన్టీఆర్ ఆత్మీయ పురస్కారంతో ఘనంగా సత్కరించారు. సభానంతరం సహృదయ ద్రోణాదుల వారు అద్దేపల్లి భరత్ కుమార్ రచనకు, డి.మహేంద్ర దర్శకత్వం వహించిన వర్క్ ఫ్రం హోం నాటికను ప్రదర్శించి ప్రేక్షకులను ఆకట్టుకున్నారు.
కామెంట్‌లు
కామెంట్‌ను పోస్ట్ చేయండి