హరిహరాత్మకమైనది కార్తీకం కార్తీకమాసం హరి , హరనామ స్మరణకు అత్యంత విశిష్టమైనదని ప్రముఖ సాహితీవేత్త సారస్వత కళానిధి డాక్టర్ వెలువోలు నాగరాజ్యలక్ష్మి అన్నారు. బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై బుధవారం ముకుందమాలపై ఆధ్యాత్మిక ప్రవచనం జరిగింది. తొలుత ఆలయ కమిటి సభ్యులు జ్యోతిప్రజ్వలన చేసి కార్యక్రమాన్ని ప్రారంభించారు. డాక్టర్ నాగరాజ్యలక్ష్మి ప్రవచనం చేస్తూ శివ , కేశవ నామాలు రెండు పవిత్రమైనవని , ఏ నామాన్ని జపించిన జీవుడు సద్గతిని పొందగలడని వివరిస్తూ సంస్కృతంతో స్తోత్ర రాజంగా పేరు పొందిన కులశేఖరాళ్వారులవారి ముకుందమాల స్తోత్రంలోని భక్తి తత్పరతను సోదాహరణంగా వివరించారు.
మహతీ స్వరసుధ రజతోత్సవాలు
బృందావన గార్డెన్స్ శ్రీవేంకటేశ్వరస్వామి దేవాలయం అన్నమయ్య కళావేదికపై ఆదివారం మహతి స్వరసుధ రజతోత్సవాలు వైభవంగా జరిగాయి. సంస్థ అధ్యక్షురాలు పత్రి నిర్మల ఆధ్వర్యంలో గాయకులు పాత తెలుగు చలనచిత్రాల్లోని భక్తి పాటలను గానం చేశారు. కీబోర్డ్ కె. రవిబాబు, తబలపై ఎస్.వెంకట్, ప్యాడ్స్పై వి.ప్రసాద్ వాద్య సహకారం అందించారు. డాక్టర్ నరసింహారావు, ఆలయ పాలకమండలి అధ్యక్షుడు సిహెచ్. మస్తానయ్య, కోటా సాంబశివరావు. పట్టస్వామి గోపాలకృష్ణమూర్తి, కొడాలి వీరభద్రరావు తదితరులు కార్యక్రమంలో పాల్గొన్నారు. కె. మదన్మోహన్ పర్యవేక్షించారు. వ్యాఖ్యాతగా బి. కృష్ణ ప్రసాద్ వ్యవహరించారు.
కామెంట్లు
కామెంట్ను పోస్ట్ చేయండి