కళా దర్బార్ ఉగాది పురస్కారాల ప్రదానం బృందావన్ గార్డెన్స్ శ్రీవేంకటేశ్వరస్వామి దేవాలయంలోని అన్నమయ్య కళావేదికపై కళాదర్బార్-ఆంధ్రప్రదేశ్ విశ్వావసు నామ సంవత్సర ఉగాది పురస్కారాల ప్రదానం సోమవారం రాత్రి జరిగింది. సంస్థ వ్యవస్థాపక అధ్యక్షుడు పొత్తూరి రంగారావు ఆధ్వర్యంలో కార్యక్రమాలను నిర్వహించారు. తొలుత ఆలయ పాలకమండలి కార్యదర్శి బొర్రా ఉమామహేశ్వరరావు, సంయుక్త కార్యదర్శి ఊటుకూరు నాగేశ్వరరావు జ్యోతి వెలిగించి కార్యక్రమాన్ని ప్రారంభించారు. ఈ సందర్భంగా అనురాధ అయ్యంగారి(టీవీ రంగం), డాక్టర్ జి. నాగార్జున (వైద్యం), కనుమూర్ రాజ్యలక్ష్మి (విద్య), శనివారపు శిరీష (సంగీతం), చెన్నుపాటి శివనాగేశ్వర రావు(వ్యాపారం), సాయి లక్కరాజు(కళారంగం)లకు ఉగాది పురస్కారాలు అందించి సత్కరించారు. అనంతరం సినీ సంగీత విభావరి నిర్వహించారు. హేమమాలిని, సౌజన్య, బాబూరావు, సుధీర్ బాబు, అబ్దుల్ ఖాదర్ సినీ గీతాలను ఆలపించారు.
సందేశాత్మకంగా ‘చంచల’ నాటిక
‘గుంటూరు తిరుమల’ బృందావన్ గార్డెన్స్
శ్రీ వేంకటేశ్వరస్వామి ఆలయ ప్రాంగణంలోని అన్నమయ్య కళావేదికపై శుక్రవారం రాత్రి
ప్రదర్శితమైన చంచల నాటిక సందేశాత్మకంగా సాగింది. జస్ట్ స్మయిల్ (తిరుపతి) నిర్వాహకుడు
నీలం సుందరరావు ఆధ్వర్యంలో లక్ష్మీకులశేఖర్ రచనకు.. డాక్టర్ జలదంకి రవీంద్ర
దర్శకత్వం వహించారు. ఈ సందర్భంగా జరిగిన సభకు నీలం సుందరరావు అధ్యక్షత వహించారు.
రంగస్థల ప్రముఖులు సీఎన్ మూర్తి, నాయుడు గోపి, పి.శివప్రసాద్, నుసుము నాగభూషణం, రాయిపాటి ఆశీర్వాదం,
ఐ.
నరసింహం, ఆర్. ప్రసాద్, ఆలయ పాలకమండలి అధ్యక్షుడు సీహెచ్. మస్తానయ్య, సహాయ కార్యదర్శి ఊటుకూరి నాగేశ్వరరావు, డాక్టర్ జె.రవీంద్ర ప్రసంగించారు.
కామెంట్‌లు
కామెంట్‌ను పోస్ట్ చేయండి