తిరుప్పావై 9వ పాశురం పై ప్రవచనం స్థానిక బృందావన్ గార్డెన్స్ శ్రీ వేంకటేశ్వరస్వామి ఆలయ ప్రాంగణం పద్మావతి కళ్యాణవేదికపై ధనుర్మాస మహోత్సవాలలో భాగంగా మంగళవారం సాయంత్రం తిరుప్పావై అమృతవర్షిణి డాక్టర్ కోగంటి వేంకట శ్రీరంగనాయకి గారిచే తిరుప్పావై 9వ పాశురంపై ప్రవచనం చేశారు. తొలుత ఆలయ కమిటి సహాయ కార్యదర్శి ఊటుకూరి నాగేశ్వరరావు జ్యోతిప్రజ్వలన చేసి కార్యక్రమాన్ని ప్రారంభించారు. కె.వి. రంగనాయకి ప్రవచిస్తూ నవరత్నాలతో పొడగబడి నిర్మించిన మేడ ఇది పరమాత్మకు మనకు మధ్య ఉన్న నవవిధ సంబంధాన్ని సూచిస్తే, దాని చుట్టూ కాంతులీనుచున్న దీపములు, గోపిక యొక్క జ్ఞానాన్ని సూచిస్తున్నాయన్నారు. శ్రవణం, మననం వల్ల మనోమాలిన్యాల దోషాలు దూరమై భగవత్ జ్ఞానం అనే కవచంతో భగవంతుడు తప్ప ఇతరమైన కోరికలపై సృహలేని స్థిత ప్రజ్ఞత స్థితికి చేరినది ఈ గోపికని అన్నారు. అలాంటి గోపిక లేచి తమకు మార్గదర్శనం చేయమని ప్రార్ధిస్తుంది గోదాదేవి ఈ రోజు పాశురంలో తెలిపింది సవివరంగా భగవత్ భక్తులకు తెలియజేశారు.
ఆకట్టుకున్న డాక్టర్ వై. రమాప్రభ దీక్షితార్ కృతి మీమాంస - సోదాహరణాత్మక
కచేరి
‘గుంటూరు తిరుమల’ స్థానిక బృందావన్ గార్డెన్స్
శ్రీ వేంకటేశ్వరస్వామి దేవాలయం అన్నమయ్య కళావేదికపై శనివారం గాయత్రిమహిళా సంగీత
సన్మండలి అధ్యక్షులు డాక్టర్ పి. విజయ ప్రధాన కార్యదర్శి ఏం. వై. శేషురాణి ల
ఆధ్వర్యంలో ముత్తుస్వామి దీక్షితుల వారి ఆరాధనా సంగీత మహోత్సవం జరిగింది. ఈ
సందర్బంగా జరిగిన సభా కార్యక్రమానికి ముఖ్య అతిధిగా విశ్రాంత లెక్చరర్, గవర్నమెంట్ కాలేజీ అఫ్ మ్యూజిక్ అండ్ డాన్స్ , సంగీత బ్రహ్మ కే.వీ. బ్రహ్మానందం విజయవాడ వారు
పాల్గొన్నారు. కార్యక్రమాలను రేడియోలజిస్ట్ డాక్టర్ సుజాత, అతిధులు పాలకమండలి వారు జ్యోతి
ప్రజ్వలన చేసి ప్రారంభించారు. అనంతరం డాక్టర్ వై. రమాప్రభ దీక్షితార్ కృతి మీమాంస - సోదాహరణాత్మక సంగీత కచేరి జరిగింది.
అనేక ముత్తుస్వామి దీక్షితార్ కృతులకు సోదాహరణాత్మక వివరణ ఇస్తూ శ్రావ్యంగా గానం
చేశారు. వీరికి వయోలిన్ పై యెన్.వీ.ఎస్.ఎల్. ప్రసన్న, విశాఖ పట్నం, మృదంగంపై బీరక సురేష్‌బాబు, గుంటూరు, మోర్సింగ్ పై
టి.లక్ష్మిశంకర్ ఏలూరు వారు చక్కటి సహకారాన్ని అందించారు అనంతరం ఉపాధ్యక్షులు డాక్టర్.
రాజరాజేశ్వరి, , పి.లలిత దేవి, కార్యదర్శి ఎ.మంగా దేవి, ఉప కార్యదర్శి ఎం. మాధవీ కృష్ణల
ఆధ్వర్యంలో కళాకారులను అతిధులను ఘనంగా సత్కరించారు.
కామెంట్‌లు
కామెంట్‌ను పోస్ట్ చేయండి