తిరుప్పావై 9వ పాశురం పై ప్రవచనం స్థానిక బృందావన్ గార్డెన్స్ శ్రీ వేంకటేశ్వరస్వామి ఆలయ ప్రాంగణం పద్మావతి కళ్యాణవేదికపై ధనుర్మాస మహోత్సవాలలో భాగంగా మంగళవారం సాయంత్రం తిరుప్పావై అమృతవర్షిణి డాక్టర్ కోగంటి వేంకట శ్రీరంగనాయకి గారిచే తిరుప్పావై 9వ పాశురంపై ప్రవచనం చేశారు. తొలుత ఆలయ కమిటి సహాయ కార్యదర్శి ఊటుకూరి నాగేశ్వరరావు జ్యోతిప్రజ్వలన చేసి కార్యక్రమాన్ని ప్రారంభించారు. కె.వి. రంగనాయకి ప్రవచిస్తూ నవరత్నాలతో పొడగబడి నిర్మించిన మేడ ఇది పరమాత్మకు మనకు మధ్య ఉన్న నవవిధ సంబంధాన్ని సూచిస్తే, దాని చుట్టూ కాంతులీనుచున్న దీపములు, గోపిక యొక్క జ్ఞానాన్ని సూచిస్తున్నాయన్నారు. శ్రవణం, మననం వల్ల మనోమాలిన్యాల దోషాలు దూరమై భగవత్ జ్ఞానం అనే కవచంతో భగవంతుడు తప్ప ఇతరమైన కోరికలపై సృహలేని స్థిత ప్రజ్ఞత స్థితికి చేరినది ఈ గోపికని అన్నారు. అలాంటి గోపిక లేచి తమకు మార్గదర్శనం చేయమని ప్రార్ధిస్తుంది గోదాదేవి ఈ రోజు పాశురంలో తెలిపింది సవివరంగా భగవత్ భక్తులకు తెలియజేశారు.
కల్యాణ్ కౌశిక్ వాయులీన కచేరీ
నాగార్జున కల్చరల్ సెంటర్, మ్యూజిక్ కాలేజ్ సంయుక్త నిర్వహణలో బృందావన్ గార్డెన్స్ వేంకటేశ్వరస్వామి దేవాలయంలో ఆదివారం రాత్రి ఎన్సీ. కల్యాణ్ కౌశిక్, కె. సుబ్రహ్మణ్యేశ్వరరాజు వాయులీన కచేరీ చేశారు. కచేరీలో పలు వాగ్గేయకారుల కృతులు, కీర్తనలు ఆలపించారు. అనంతరం జరిగిన సభలో డాక్టర్ సుమితా శంకర్ పాల్గొని కళాకారులను సత్కరించారు. కార్యక్రమానికి నాగార్జున కల్చరల్ సెంటర్, మ్యూజిక్ కాలేజ్ చైర్మన్ వి.జె. వినయ్కుమార్ అధ్యక్షత వహించారు. సంస్థ కార్యదర్శి పి.ఎస్.ఎన్. మూర్తి, ప్రధాన కార్యదర్శి కె. సూర్యనారాయణ కార్యక్రమాన్ని పర్యవేక్షించారు.
కామెంట్‌లు
కామెంట్‌ను పోస్ట్ చేయండి