ఆంధ్రుల అన్నపూర్ణ డొక్కా సీతమ్మ స్థానిక బృందావన్ గార్డెన్స్ శ్రీవేంకటేశ్వరస్వామి వారి దేవాలయ ప్రాంగణం అన్నమయ్య కళావేదికపై బుధవారం అపర అన్నపూర్ణాదేవి డొక్కా సీతమ్మ గారి జీవిత విశేషాలపై ఆధ్యాత్మిక ప్రవచనం జరిగింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, కళాకారులు జ్యోతిప్రజ్వలన చేసి కార్యక్రమాన్న ప్రారంభించారు. ఆధ్యాత్మికవేత్త మల్లాది కైలాసనాధ్ ప్రవచిస్తూ గోదావరి పరీవాహక ప్రాంతంలో ప్రయాణించే బాటసారులు , పేదలు , ఆకలితో అలమటించేవారు ఏ సమయంలో వచ్చినప్పటికీ , కులమత బేధాలు చూపకుండా సొంత బిడ్డల్లా ఆప్యాయంగా కడుపునిండా అన్నం పెట్టేవారన్నారు. గోదావరి వరదలు , తుఫానుల సమయంలో నిరాశ్రయులైన వేలాది మందికి ఆమె నిలయమే ఆశ్రయమైందన్నారు. ఆమె నిస్వార్థ సేవలను గుర్తించిన బ్రిటన్ చక్రవర్తి ఏడో ఎడ్వర్డ్ సహా బ్రిటిష్ ప్రభుత్వం కూడా ఆమెను ఎంతో గౌరవించిందన్నారు. 1909 లో కన్నుమూసిన డొక్కా సీతమ్మ , తెలుగు నేలపై అన్నదానానికి మారుపేరుగా , త్యాగశీలానికి ప్రతిరూపంగా చిరస్థాయిగా నిలిచిపోయారన్నారు.
నృత్యోత్సవాలు ప్రారంభం
‘గుంటూరు తిరుమల’ బృందావన్
గార్డెన్స్ శ్రీ వెంకటేశ్వర స్వామి దేవాలయం అన్నమయ్య కళావేదికపై 15.11.2024 గురువారం రాత్రి
శ్రీసాయి మంజీర కూచిపూడి. ఆర్ట్స్ అకాడమీ ఆధ్వర్యంలో కాజ సత్యవతీ దేవి
లక్ష్మీనరసింహారావు స్మారక బాల కళావేదిక 12వ చిల్డ్రన్ డాన్స్
ఒలింపియాడ్ ప్రారంభమైంది. ఆలయ పాలక మండలి అధ్య క్షుడు సీహెచ్. మస్తానయ్య, ఉపాధ్యక్షులు లంకా విజయబాబు జ్యోతి వెలిగించి కార్యక్రమాలు
ప్రారంభించారు. ఈ సందర్భంగా జీజీహెచ్ సూపరింటెండెంట్ డాక్టర్ రమణని సత్క రించారు.
కాజ వెంకట సుబ్ర హ్మణ్యం తదితరులు కార్యక్రమాలను పర్యవేక్షించారు.
కామెంట్‌లు
కామెంట్‌ను పోస్ట్ చేయండి