తిరుప్పావై 9వ పాశురం పై ప్రవచనం స్థానిక బృందావన్ గార్డెన్స్ శ్రీ వేంకటేశ్వరస్వామి ఆలయ ప్రాంగణం పద్మావతి కళ్యాణవేదికపై ధనుర్మాస మహోత్సవాలలో భాగంగా మంగళవారం సాయంత్రం తిరుప్పావై అమృతవర్షిణి డాక్టర్ కోగంటి వేంకట శ్రీరంగనాయకి గారిచే తిరుప్పావై 9వ పాశురంపై ప్రవచనం చేశారు. తొలుత ఆలయ కమిటి సహాయ కార్యదర్శి ఊటుకూరి నాగేశ్వరరావు జ్యోతిప్రజ్వలన చేసి కార్యక్రమాన్ని ప్రారంభించారు. కె.వి. రంగనాయకి ప్రవచిస్తూ నవరత్నాలతో పొడగబడి నిర్మించిన మేడ ఇది పరమాత్మకు మనకు మధ్య ఉన్న నవవిధ సంబంధాన్ని సూచిస్తే, దాని చుట్టూ కాంతులీనుచున్న దీపములు, గోపిక యొక్క జ్ఞానాన్ని సూచిస్తున్నాయన్నారు. శ్రవణం, మననం వల్ల మనోమాలిన్యాల దోషాలు దూరమై భగవత్ జ్ఞానం అనే కవచంతో భగవంతుడు తప్ప ఇతరమైన కోరికలపై సృహలేని స్థిత ప్రజ్ఞత స్థితికి చేరినది ఈ గోపికని అన్నారు. అలాంటి గోపిక లేచి తమకు మార్గదర్శనం చేయమని ప్రార్ధిస్తుంది గోదాదేవి ఈ రోజు పాశురంలో తెలిపింది సవివరంగా భగవత్ భక్తులకు తెలియజేశారు.
శ్రీమద్భాగవతం – రుక్మిణీ కళ్యాణము ప్రవచనం
‘గుంటూరు తిరుమల’ స్థానిక బృందావన్‌గార్డెన్స్ శ్రీ వేంకటేశ్వరస్వామి ఆలయ ప్రాంగణం అన్నమయ్య కళ్యాణవేదికపై 21.10.2024 సోమవారం శ్రీమద్భాగవతం ధారావాహిక ప్రవచనాలలో భాగంగా బ్రహ్మశ్రీ మల్లాది కైలాసనాథ్ గారిచే రుక్మిణీ కళ్యాణము పై ఆధ్యాత్మిక ప్రవచన కార్యక్రమం జరిగింది. తొలుత ఆలయ సహాయ కార్యదర్శి ఊటుకూరి నాగేశ్వరరావు, యల్లాప్రగడ మల్లికార్జునరావు జ్యోతిప్రజ్వలన చేసి కార్యక్రమాన్ని ప్రారంభించారు. కైలాసనాథ్ ప్రవచిస్తూ నేటి యువతరం ఈ రుక్మిణీ కళ్యాణ ఘట్టమును శ్రద్ధగా చదివినా, విన్నా, పారాయణము చేసిన వారికి వివాహము జరగటమే కాక, చక్కటి వైవాహిక జీవితం, ఆధ్యాత్మిక ఉన్నతి లభిస్తుందన్నారు. ఈ విషయము ఆడపిల్లలకు మాత్రమే కాక మగపిల్లలకు కూడా వర్తిస్తుందన్నారు. భగవంతుని చేరకుండా అహంకార, మమకారములు అడ్డుపడుతాయన్నారు. అటువంటి పరిస్ధితులలో గురువుని ఆశ్రయించవలెనన్నారు. ఆ గురువు మనలను భగవంతుని వద్దకు చేర్చుతాడనీ అందలి విశేషాలను సవివరంగా తెలియజేశారు.
కామెంట్‌లు
కామెంట్‌ను పోస్ట్ చేయండి