మెదడు, నరాల వ్యాధులపై అవగాహన స్థానిక బృందావన్ గార్డెన్స్ శ్రీవేంకటేశ్వర్వసామి దేవాలయం అన్నమయ్య కళావే దికపై కిమ్స్ శిఖర హాస్పిటల్స్, గుంటూరు జిల్లా సీనియర్ సిటిజ న్స్ సర్వీస్ ఆర్గనైజేషన్ సంయు క్తంగా సోమవారం మెదడు, నరాల సంబంధిత వ్యాధులపై సదస్సు నిర్వహించారు. ఆలయ కమిటీ ఉపాధ్యక్షులు లంకా విజయబాబు, సహాయ కార్యదర్శి ఊటుకూరి నాగేశ్వరరావు జ్యోతిప్రజ్వలనతో ప్రారంభించారు. వైద్యులు వివేక్ లంకా, సూరప్రదీప్కుమార్రెడ్డి పవర్పాయింట్ ప్రజంటేషన్తో మెదడు, నరాలకు సంబంధించి వ్యాధులపై అవగాహన కల్పించారు. నరాల సం బంధింత వ్యాధులు అనేక రకాలని, పుట్టుకతో వచ్చేవి, జన్యుపరమైనవి లేదా జీవిత కాలంలో వచ్చేవి ఉంటాయని అన్నారు. మెదడు ఆరోగ్యాన్ని కాపాడుకోవ డం, నివారణ చర్యలు తీసుకుని, సరైన చికిత్స పొందాలన్నారు. సంస్థ అధ్యక్షులు మన్నే సుబ్బారావు, కె. బసవనందికేశ్వరరావు పాల్గొన్నారు.
‘గుంటూరు తిరుమల’లో వేంచేసి యున్న బృందావన్ గార్డెన్స్ శ్రీ వేంకటేశ్వరస్వామి దేవాలయం పద్మావతి కళ్యాణవేదికపై 03.10.2024 గురువారం శ్రీ దేవీ శరన్నవరాత్రుల మహోత్సవములలో భాగంగా ఉదయం అమ్మవారు బాలాత్రిపురసుందరి దేవి అలంకరణలో భక్తులకు దర్శనమిచ్చారు. సాయంత్రం సాంస్కృతిక కార్యక్రమంలో భాగంగా అన్నమయ్య కళావేదికగా నాగార్జున సాంస్కృతిక కేంద్రం మరియు తిరుమల తిరుపతి దేవస్థాన అన్నమయ్య ప్రాజెక్ట్ సంయుక్త ఆధ్వర్యంలో అన్నమాచార్య కీర్తనల గానం జరిగింది. తిరుమల గానగంధర్వ గురజాడ మధుసూదనరావు గారు అన్నమయ్య కీర్తనలు అద్భుతంగా గానం చేసి ఆహుతులను అలరించారు. వీరికి కీబోర్డుపై మురళీకృష్ణ, తబలపై దేవశర్మ, రిథమ్స్పై శ్రీనివాస్ చక్కటి వాయిద్య సహకారాన్ని అందించారు. నవరాత్రులలో ప్రతిరోజు ఉదయం, సాయంత్రం సత్సంగ సభ్యులచే లలితా సహస్రనామ పారాయణాలు జరుగుతాయని ఆలయ పాలకమండలి అధ్యక్షులు సీహెచ్. మస్తానయ్య తెలియజేశారు. అమ్మవారికి హారతి అనంతరం భక్తులకు తీర్థప్రసాదాలను అందించారు. కె. సూర్యనారాయణ గారి నిర్వహణలో కార్యక్రమం జరిగింది.
కామెంట్లు
కామెంట్ను పోస్ట్ చేయండి